Монгол, Солонгос хэлний хооронд төрөл бүрийн салбарын орчуулгыг хийх, суралцагчдын сэтгэл зүй, зан төлөвт тулгуурлан Солонгос хэлийг заах цогц чадамжтай мэргэжилтэнг бэлтгэнэ.
- TOPIK-ийн 5,6-р түвшний мэдлэг эзэмшсэнээр цаашид БНСУ-д нийгэм хүмүүнлэгийн чиглэлээр магистрантурт шууд элсэх, тэтгэлэг хөтөлбөрт хамрагдах;
- Honor хөтөлбөрт хамрагдаж, богино хугацаанд магистрын зэрэг хүртэх боломж;
- Бизнесийн удирдлага, олон улсын харилцаа, багшийн мэргэжлийн хичээлүүдээс багцаар сонгон судалж, тухайн салбарт ажиллах, хөрвөх чадваруудыг эзэмших;
- БНСУ-ын ЗГ, төрийн байгууллага, бусад байгууллагууд, сангийн тэтгэлэгт оюутнуудыг тодорхойлж, тэтгэлэгт хамруулах;
- БНСУ-ын мэргэжилтэн багш нараар хэлний хичээлүүдийг заалган, өдөр тутмын харилцаанд оролцох;
- БНСУ-ын Жүнан их сургууль, Ённам их сургууль, Солонгос сан (Korea Foundation)-тай хамтарсан онлайн сургалт, оюутан солилцооны хөтөлбөрт хамрагдах;
- БНСУ-ын Жүнан их сургууль, Мугпу их сургууль зэрэг их дээд сургуулиудын зуны хөтөлбөрт хамрагдаж хэлний чадвараа сайжруулах;